[مقارنة] - اندرويد أم ويندوز فون ؟

[مقارنة] - اندرويد أم ويندوز فون ؟

 بسم الله نبدأ 

في الاول احب اقول اني مقدرش اقول ده احسن من ده -مطلقا- لانه بيختلف من شخص لشخص.. يعني انا من وجهة نظري انويندوز مناسب جدا للرجالة الكبار يعني والدي ووالدك وكدة لانه بسيط ومش فيه شغل كتير.. اما اندرويد فيه home,widgets وفيه شغل كتير عامة.. 


لكن هنقارن بين الاساسيات :


1) من حيث الـ framework او الثيم.


اندرويد زي ما قلنا اول ما تفتح الـ lock screen هتلاقي الـ launcher او الـ home و الديسكتوب بالبلدي يعني.. 
هتلاقي widgets او واجهات رسومية زي الساعة او جوجل ..الخ


صورة : 



وهتلاقي notification bar فيه الإشعارات بتاعتك
وهكذا.. 


اما في ويندوز فون.. هتسحب اللوك سكرين لفوق هتلاقي التطبيقات علطول! 
والخلفية بيضاء او سوداء والايقونات خضراء او حمراء الخ
و Notification bar متواضع شوية مش زي بتاع IOS و Android.. 

صورة : 

_______________


2) من حيث التطبيقات وال Market..


اندرويد فيه اكتر من 600,000 تطبيق- .. اغلبها مجانية.. والمطورين كتير وبيزدادوا نظرا انه قديم نسبيا.. 



اما WP حديث نسبيا.. وبالتالي الدعم بتاع التطبيقات قليل جدا والتطبيقات قليلة.. وطبعا مينفعش خالص مع اللي بيحبوا الالعاب التقيلة  .. يعني مش هتلاقي فيه Dead Trigger , Call of Duty , Prince of Persia .....الخ مع العلم ان ده كله موجود في ماركت أندرويد Play Store
_______________


3) من حيث تحديث السوفت والدعم.. 


اندرويد ليه اصدارات كتير .. كل ما كان جهازك امكانياته اعلي كل ما هيجيلك اجدد التحديثات.. وطبعا ممكن تنزل Custom Roms. بس هنتكلم عن الموضوع ده تحت شوية. 


بالنسبة لويندوز عندك 7 ، 8 .. ودي اجدد حاجة حاليا.. 


_______________


4) التطوير.. 


اندرويد مفتوح المصدر.. يعني تقدر تعمل فيه اللي انت عايزه.. ان شاء الله لو عايز تمسح السوفت براحتك.. وهنتكلم عن تطوير الاندرويد ف موضوع منفصل ان شاء الله..



ويندوز فون صفر في التطوير .. اممم لا خليها 5% .. لانه ليه فعلا Custom Roms لكن قليلة جدا ومش لكل الموبايلات .. ده غير انها معقدة جدا ..


__________


5) السرعة..


1) جهازك الاندرويد هيفضل سريع طول ما الرامات فاضية .. وده هيضايقك لو موبايلك امكانياته ضعيفة .. لان تطبيقاته بتشغل مساحة من الرام .. ده غير ان الـ framework بتاعه فيه شغل كبير زي ما قلنا



اما WP هتلاقيه سريع معاك زي IOS برضه .. لانه مش فيه اي Animation والرامات مش مُستهلكة ..
_______________


الاسعار..


اندرويد بيبدأ من 650 جنيه : 6000 جنيه ^_^


يعني يسهل جدا علي اي حد انه يشتري موب اندرويد .. لان الشركات الداعمة ليه كتير عكس ويندوز وابل


ويندوز فون اقل موب فيه ب 1040 تقريبا -علي حد علمي- 


__________


 لكن زي ما قلت بترجع للشخص اللي هيشتري .. يعني افرض واحد مش بيحب الالعاب اصلا ! .. او واحد مش بيحب يغير ف شكل الموب ومش فارق معاه .. وهكذا